Í nótt fór björgunarsveitin Þorbjörn í Grindavík í tvo sjúkraflutninga inn að gossvæðinu vegna fólks sem hafði slasast á göngu. Sveitin greinir frá því í facebookfærslu að þúsundir manna hafi lagt leið sína inn á gossvæðið í gær og verður að segja að vel hafi gengið miðað við fjölda.

„Við ásamt öðrum björgunarsveitum erum til taks á svæðinu einmitt til þess að bregðast við þegar svona tilfelli koma upp og því fengu skjólstæðingar okkar skjóta og góða þjónustu. Í dag vinnur sveitin að því að stika aukagönguleið vegna gasmengunar sem liggur yfir í dag og á morgun. Aukaleiðin er ögn lengri og erfiðari en er alveg laus við hættulega gasmengun frá gossvæðinu,“ segir í færslunni.

Björgunarsveitarfólk á gosstað. mbl.is/Eggert Jóhannesson

„Enn og aftur ítrekum við að fólk skuli vera vel útbúið í gönguferðum á gossvæðið. Fólk þarf að gera ráð fyrir að eldgosið sé uppi á fjalli og þar eru aðstæður mun meira krefjandi en í byggð. Til dæmis eru brattar og lausar brekkur á gönguleiðinni og mjög mikil vindkæling. Nauðsynlegt er að vera vel klæddur, með höfuðljós og helst göngustafi,“ segir ennfremur.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt