Sakborningur segir andlátið slys
Setja bókamerki
Maðurinn sem úrskurðaður var í gæsluvarðhald í tengslum við rannsókn á mannsláti í Kópavogi í gær segir andlátið hafa verið slys. RÚV greinir frá þessu og hefur eftir verjanda mannsins að hann sé niðurbrotinn vegna málsins. Hann hefur ekki tekið ákvörðun um hvort hann muni áfrýja gæsluvarðhaldsúrskurði til Landsréttar.
Margeir Sveinsson, yfirlögregluþjónn hjá lögreglunni á höfuðborgarsvæðinu, segir í samtali við mbl.is að málið sé hins vegar ekki rannsakað sem slys, heldur manndráp. Rannsóknin snúi fyrst og fremst að því að komast að því hvernig maðurinn hlaut þá áverka sem leiddu til andláts.
Þrír rúmenskir karlmenn voru handteknir á föstudag vegna málsins en tveimur sleppt að loknum yfirheyrslum. Sá þriðji sætir hins vegar gæsluvarðhaldi, sem fyrr segir.
Samkvæmt upplýsingum frá lögreglu er málið ekki talið tengjast manndrápi sem framið var í Rauðagerði í Reykjavík fyrr á árinu, né heldur skipulagðri glæpastarfsemi.
Markaðurinn hitnar og leiguverð hækkar hratt
Þrjú og hálft ár fyrir skotárás í Úlfarsárdal
/frimg/9/40/940831.jpg)
Telur eyðsluna munu rjúka upp úr öllu valdi
Benda á Samgöngustofu sem bendir út í heim
Starfsfólk gæti fengið reikning frá Skattinum
Stóraukið fé til samgöngusáttmála