Ráðuneytið reyni að blekkja almenning

Félag atvinnurekenda segir atvinnuvega- og nýsköpunarráðuneytið fela staðreyndir í tengslum við útboð á tollkvóta og reyna að blekkja almenning.

Fyrr í kvöld sendi ráðuneytið frá sér tilkynningu í tilefni af umfjöllun um erindi félagsins til ráðuneytisins um nýlegan dóm Landsréttar um úthlutun tollkvóta.  

Frétt af mbl.is

Segir útboðið í samræmi við ákvæði stjórnarskrár

„Hér felur atvinnuvegaráðuneytið beinlínis staðreyndir málsins og reynir að blekkja almenning. Ráðuneytið lætur eins og umdeild breyting á búvörulögum í lok síðasta árs, að frumkvæði landbúnaðarráðherrans, hafi aldrei verið gerð. Með henni var tekið upp tímabundið í 18 mánuði kerfi útboðs á tollkvóta, sem Landsréttur hefur dæmt að fari í bága við stjórnarskrána,“ segir á facebook-síðu Félags atvinnurekenda.

Frétt af mbl.is

Segja lög um ráðherraábyrgð brotin

„Það eru gildandi lög og verður að breyta þeim til að hætta stjórnarskrárbrotinu. Brot ráðherra á stjórnarskránni og lögum um ráðherraábyrgð er jafnalvarlegt þótt það sé tímabundið,“ segir einnig á síðunni þar sem ráðuneytið er hvatt til að leiðrétta rangfærslur og koma heiðarlega fram.

• Blogga um frétt