Von á 65.300 bóluefnaskömmtum í apríl
Setja bókamerki
Von er á tæplega 65.300 bóluefnaskömmtum hingað til lands í apríl frá þeim fjórum framleiðendum sem eru með markaðsleyfi hérlendis.
Pfizer er eini framleiðandinn sem hefur staðfest afhendingaráætlun til lengri tíma og samkvæmt henni er von á 117.000 bóluefnaskömmtum samtals í maí og júní.
Þetta kemur fram í yfirliti heilbrigðisráðuneytisins varðandi afhendingu bóluefna.
Samkvæmt staðfestri afhendingaráætlun Pfizer berast Íslandi 37.000 skammtar í apríl, 54.000 skammtar í maí og 63.000 skammtar í júní.
Í lok nýliðins ársfjórðungs hafði Ísland fengið samtals um 75.000 bóluefnaskammta frá því að bólusetningar gegn Covid-19 hófust hér á landi 29. desember síðastliðinn, eða að meðaltali tæplega 25.000 skammta á mánuði.
Mánaðarleg afhending hefur því aukist um 160% miðað við að í vændum eru tæplega 65.300 skammtar í apríl.
Kostnaður meiri en milljón á fermetra
Skiptir miklu meira máli en fólk grunar
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
„Umsátursástand“
Skemmtiferðaskip hætt komið nærri Viðey