Krafa Þórólfs gildir til þrjú
Setja bókamerki
Krafa Þórólfs Guðnasonar sóttvarnalæknis, um að þrír aðilar dvelji í sóttvarnahúsi, rennur út klukkan þrjú í dag samkvæmt heimildum mbl.is, þar sem fjölskyldan sem á hlut að máli losnar þá úr sóttkví.
Eftir að fjölskyldan er laus úr sóttkví eiga yfirvöld enga lögvarða hagsmuni af því að fjölskyldunni skuli haldið í sóttvarnahúsi enda fimm dagar liðnir frá því hún fór í sóttkví.
Héraðsdómur komst að því að ólögmætt væri að skylda fólk í sóttvarnahús en Þórólfur hefur kært úrskurðinn til Landsréttar.
Úrskurður héraðsdóms, þar sem skyldudvöl í sóttvarnahúsi var dæmd ólögmæt, er réttur þar til dómstólar komast að öðru. Því er ekki útilokað að hann fái að standa, kveði Landsréttur ekki upp úrlausn fyrir klukkan þrjú í dag.
Ekki fer fram þinghald í Landsrétti þegar úrskurðir eru annars vegar. Verða þeir sendir lögmönnum málsaðila með tölvupósti þegar þeir eru kveðnir upp og loks birtir á vef Landsréttar en engir úrskurðir í málinu hafa birst á vef héraðsdóms.
Veiting hvalveiðileyfis ekki brot á EES-samningi
„Á réttri leið en nokkuð í land ennþá“
Tóku upp hanskann fyrir leikskólabörn
Skemmtiferðaskip hætt komið nærri Viðey
Vona að Orkustofnun veiti ekki virkjunarleyfi
Hernaðaraðstoð samþykkt – Vopnasendingar í vikunni
Árshátíð ríkislögreglustjóra haldin í Tékklandi