Heildarrennsli hrauns frá öllum gígum gosstöðvanna í og við Geldingadali nam um átta rúmmetrum á sekúndu undanfarinn sólarhring. Þetta sýna niðurstöður jarðvísindamanna sem byggðar eru á gögnum sem fengust með flugi í hádeginu í dag.

Teknar voru loftmyndir úr flugvél Garðaflugs með Hasselblad-myndavél Náttúrufræðistofnunar og unnin eftir þeim landlíkön af hraununum í Geldingadölum, Meradölum og sprungunni sem myndaðist um miðnætti 6. apríl.

Rennslið samkvæmt þessum mælingum er um 50% meira en var lengst af í gosinu.

Flatarmálið tvöfaldast

Nyrsti gígurinn mælist drýgstur, með um tvo þriðju af heildarrennslinu, en einn þriðji skiptist nokkuð jafnt á milli eldri gosstöðvanna í Geldingadölum og nýjustu sprungunnar sem liggur þar á milli.

Þetta kemur fram í tilkynningu frá Jarðvísindastofnun.

Flatarmál hrauns hefur um það bil tvöfaldast á síðustu tveimur sólarhringum, og heildarrúmmál orðið tæplega níu milljónir rúmmetra.

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt