Það kostar ákveðnar fórnir í stuttan tíma að vera í sóttkví. Það hefur sýnt sig að þetta er afar árangursrík aðferð til að stöðva faraldur. Margar veirutýpur hafa dáið út með þessum hætti.

Þetta sagði Jóhann B. Skúlason, yfirmaður smitrakningarteymis Almannavarna, á upplýsingafundi í morgun og nefndi að starf teymisins felist aðallega í að ákvarða um nauðsyn á sóttkví.

Frétt af mbl.is

Búinn að senda minnisblað til ráðherra

„Við reynum að læra á veiruna en sóttkví er oft á tíðum eins og öryggisgirðing. Það er oft ákveðinn hluti sem smitast og ekki er alltaf ljóst hverjir úr menginu það eru. Þess vegna er mikilvægt að sóttkví sé haldin. Sá sem finnur til einkenna er smitandi í sólarhring eða tvo á undan, því tryggir maður ekki eftir á,“ sagði hann.

Þórólf­ur Guðna­son sótt­varna­lækn­ir, Jó­hann B. Skúla­son, yf­ir­maður rakn­ing­ar­t­eym­is­ins, og Rögn­valdur Ólafs­son aðstoðar­yf­ir­lög­regluþjónn á fundinum. Ljósmynd/Almannavarnir

Teymið telur um tíu manns og er hópurinn á vakt alla daga frá morgni til kvölds. Öðru hverju fær hann einnig aðstoð annars staðar frá þegar mikið liggur við.

Frétt af mbl.is

Getum séð nánast veirufrítt samfélag

Jóhann hrósaði öllum sem hafa átt í samskiptum við teymið undanfarið ár og þakkaði einnig starfsmönnum teymisins. Hann sagði að það hefði komið fyrir að fólk gæfi þeim ekki réttar upplýsingar, en það væru undantekningartilfelli.

Jóhann bætti við að góður árangur hafi verið af smitrakningu hér á landi og að það sýni samtakamátt almennings.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt