Veðurstofa Íslands spáir því að á morgun sé líklegt að gasmengunar verði vart á höfuðborgarsvæðinu. Brennisteinsdíoxíð úr eldgosinu í Geldingadölum mun að öllum líkindum svífa í átt að byggð miðað við veðurskilyrði.

Frétt af mbl.is

Líkleg gasmengun á höfuðborgarsvæðinu

Brennisteinsdíoxíð er skaðlegt mönnum í miklu magni en þó er ekki gert ráð fyrir að þess verði vart nema í litlu magni á morgun. Þeir sem eru viðkvæmir, ung börn, astmasjúklingar og aðrir sem viðkvæmir eru í öndunarfærum, geta þó fundið einkenni vegna brennisteinsdíoxíðs á morgun.

350 míkrógrömm er viðmiðið

Helgi Guðjónsson hjá Heilbrigðiseftirliti Reykjavíkur segir við Morgunblaðið að slíkt ætti þó ekki gerast, nema ef magn brennisteinsdíoxíðs fer yfir 350 míkrógrömm á rúmmetra. Fylgjast má með mælingum gass á vef Umhverfisstofnunar.

„Ef það fer upp fyrir 350 míkrógrömm á rúmmetra þá gæti gerst að einhverjir sem viðkæmir eru finni fyrir einkennum. Það væri þá helst erting í öndunarfærum,“ segir Helgi. Hann bætir við að brennisteinsdíoxíð komi yfirleitt frá eldgosum en þó geti gassins verið vart í þéttbýli vegna umferðar bíla. 

Á vef Umhverfisstofnunar má sjá töflu þar sem hættustig brennisteinsdíoxíðmengunar er skilgreint, hvaða einkenni geta komið upp hjá þeim sem eru viðkvæmastir og hvernig fyrirbyggja má að þau einkenni komi upp. 

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• Blogga um frétt