Einn greindist með kórónuveiruna innanlands í gær og var viðkomandi í sóttkví. Nú eru 83 í einangrun og 199 eru í sóttkví. Tveir eru á sjúkrahúsi vegna Covid-19 og fjölgaði um einn í gær. Eitt smit greindist við seinni skimun á landamærunum. Daginn áður greindust fjórir með Covid-19 á landamærunum og þrír voru með mótefni.
Nýgengi smita innanlands á hverja 100 þúsund íbúa er nú 13,9 síðustu tvær vikur og 6 á landamærunum.
Þrjú smit eru meðal barna á aldrinum 1-5 ára, 14 smit eru á meðal barna á aldrinum 6-12 ára og eitt í aldurshópnum 13-17 ára.
Í aldurshópnum 18-29 ára eru 15 smit, 23 smit eru í aldurshópnum 30-39 ára, 18 smit eru í aldurshópnum 40-49 ára, fjögur smit eru í aldurshópnum 50-59 ára, tvö meðal fólks á sjötugsaldri og þrír á áttræðisaldri eru með Covid-19.
Alls voru tekin 743 sýni á landamærunum í gær en 973 innanlands.