„Ekki taka frá okkur Vatnshólinn“ stóð meðal annars á mótmælaspjöldum krakka sem tóku sér stöðu á hólnum í gær.
Krakkar úr nágrenni sjómannaskólareitsins hafa mótmælt þarna daglega síðan framkvæmdir hófust 17. mars sl. við byggingu fjölbýlishúss fyrir aldraða.
Á blokkin að rísa austan Vatnshólsins, sem hefur verið vinsælt leiksvæði undanfarna áratugi. Vinir Vatnshólsins standa fyrir hverfispartíi nk. laugardag en í fundarboði segir meðal annars: „Sýnum samstöðu og sameinumst með börnunum í hverfispartíi áður en svæðið fer undir malbik.“