Borgin ákveður hámarkshraða á borgargötum
Setja bókamerki
Lögreglustjórinn á höfuðborgarsvæðinu hefur ekki fengið erindi um ákvörðun Reykjavíkurborgar um áætlun um lækkun hámarkshraða á götum borgarinnar.
Sú breyting varð með nýjum umferðarlögum árið 2019 að veghaldari, í þessu tilviki Reykjavíkurborg, ákveður hámarkshraða að höfðu samráði við lögregluna, og auglýsir breytinguna. Áður ákvað lögreglustjóri hraðann og auglýsti.
Skipulags- og samgönguráð Reykjavíkurborgar samþykkti í fyrradag nýja áætlun um hámarkshraða á götum borgarinnar. Með henni verða nær allar götur með 40 km hámarkshraða eða lægri.
Guðbrandur Sigurðsson, aðstoðaryfirlögregluþjónn í umferðardeild lögreglunnar á höfuðborgarsvæðinu, segir að lögreglan veiti umsögn um áform borgarinnar þegar áform borgarinnar og rök fyrir þeim berast. Ekki sé hægt að tjá sig um málið fyrr.
„Hvílir mikil leynd yfir þessu öllu“
Skiptir miklu meira máli en fólk grunar
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
Krefjast stöðvunar framkvæmda
Kostnaður meiri en milljón á fermetra
Vélsleðaslys: Þyrlan kölluð út á mesta forgangi