Innlent | mbl | 20.4.2021 | 18:53 | Uppfært 19:33

Kostur áfram með Cocoa Puffs

Bæði Cocoa Puffs og Lucky Charms verða áfram í sölu hjá Kosti. Ljósmynd/Aðsend

Bæði Cocoa Puffs- og Lucky Charms-morgunkorn verður áfram til sölu í Kosti. Þetta staðfestir Tómas Gerald Sullenberger, framkvæmdastjóri Kosts, í samtali við mbl.is.

ESB bannaði Íslendingum ekki að borða Cocoa Puffs

Hann segist hafa sett í sig í samband við heilbrigðiseftirlitið í Kópavogi sem staðfesti að engin reglugerð sem snerti innflutning á morgunkorninu hafi breyst.

Cocoa Puffs og Lucky Charms af íslenskum markaði

Hann gerir því áfram ráð fyrir að bjóða upp á gamla góða Cocoa Puffsið sem seldist upp á örskömmum tíma hjá honum eftir að heildsalinn Nathan & Olsen tilkynnti að fyrirtækið myndi ekki lengur bjóða upp á vörumerkin Cocoa Puffs og Lucky Charms frá General Mills.

Þegar fréttirnar bárust voru til nokkrar birgðir af Lucky Charms hjá Kosti og því enn hægt að kaupa morgunkornið á síðu Kosts.

Tómas segir að miðað við sínar upplýsingar snúist málið um samstarf framleiðenda og heildsala en ekki reglugerðir eða leyfismál. Hans viðskiptasambönd séu önnur en Nathan & Olsen og hann sjái fram á að geta áfram flutt inn morgunkorn sem framleitt er í Bandaríkjunum.

Tómas segir að líklegt sé að um þrjár vikur séu í næstu sendingu af Cocoa Puffs.