Engin áform um hertar reglur innanlands
Setja bókamerki
Engin áform eru um það eins og staðan er núna að sóttvarnareglur verði hertar innanlands. Þetta sagði Svandís Svavarsdóttir heilbrigðisráðherra að loknum ríkisstjórnarfundi í dag.
Tíu innanlandssmit greindust í gær og var einn utan sóttkvíar. Í fyrradag voru smitin 17 talsins og þar af voru 8 utan sóttkvíar.
Svandís kveðst ekkert hafa heyrt frá Þórólfi Guðnasyni um hertar reglur innanlands. Engu að síður segir hún blikur vera á lofti og að smitin að undanförnu sýni að veiran sé á ferðinni úti í samfélaginu.
„Enn sem komið er virðist vera um tilteknar hópsýkingar að ræða og það hefur komið fram í raðgreiningu að svo sé. Það eru fá smit utan sóttkvíar en við verðum að vera tilbúin að grípa hratt inn í ef til þess kemur,“ segir Svandís, sem nefnir að mikill gangur sé í bólusetningum. 25 þúsund bólusetningar séu fyrirhugaðar í næstu viku. „Það er allt í rífandi gangi.“
Skiptir miklu meira máli en fólk grunar
„Það þarf að vinna mikinn fjölda upp“
„Á réttri leið en nokkuð í land ennþá“
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
Skar höfuðleðrið af íslenskri konu