Mikil ákefð var í eldgosinu í Geldingadölum í kvöld og litbrigði jarðarinnar sterk í ljósaskiptunum. Þetta sást vel þegar tíðindamaður mbl.is flaug yfir gosstöðvarnar á tíunda tímanum í kvöld.

Mest virkni er í gíg syðst á svæðinu og frá honum rennur mikil hraunelfur út á víðáttuna. Talið er að eldstólpar frá gígnum nái allt að 50 metra hæð, en þeir eru mjög tilkomumiklir að sjá. Úr lofti mátti einnig sjá umferð fólks og bíla nærri glóandi hrauninu sem nú nær yfir sífellt stærra svæði.

Hundruð ef ekki þúsundir fólks leggja leið sína að gosstöðvunum á degi hverjum og ætla má að margir verði á ferðinni næstu daga, enda er veðurspáin góð. Þá eru margir flugmenn á sveimi yfir eldgosinu.

„Útsýnisferðir sem við bjóðum eru eftirsóttar,“ segir Þorvaldur Lúðvík Sigurjónsson hjá Circle Air sem fór í flugtúr í kvöld. 

Sjónarspil í kvöldhúminu. mbl.is/Sigurður Bogi

Flugmenn kvöldsins. Sindri Ólafsson og Þorvaldur Lúðvík Sigurjónsson. mbl.is/Sigurður Bogi

Tengdar fréttir

Eldvirkni á Reykjanesskaga

Almannavarnir hækka viðbúnað

• Ný staða uppi og óvissan meiri
• Gerir ráð fyrir 150 samningum í næstu viku
• Hyggjast leyfa fólki að skoða gosið
• „Var jákvæð en er núna reið, fúl og pirruð“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Furðu fjölbreytt stórsýning í tiltölulega stöðugu og litlu eldgosi "gígastjakans".