Ísland af lista ESB um útflutningshömlur bóluefna
Setja bókamerki
Ísland er farið af af lista Evrópusambandsins um bann við útflutningi bóluefna frá ríkjum sambandsins til ríkja utan þess. Frá þessu greindi Guðlaugur Þór Þórðarson utanríkisráðherra eftir ríkisstjórnarfund í morgun. Önnur EES-ríki eru einnig farin af listanum.
Bannið hafði í raun engin áhrif hér innanlands og bárust þeir bóluefnaskammtar sem áttu að berast þrátt fyrir að Ísland væri á listanum ásamt öðrum EES-ríkjum sem eru utan ESB. Guðlaugur segir þó að það skipti máli að Ísland sé farið af listanum vegna þess að virða eigi EES-samninginn.
„Ég átti meðal annars fund með viðskiptaframkvæmdastjóra Evrópusambandsins á föstudag. Í kjölfarið tilkynnti Ursula von der Leyen [forseti framkvæmdastjórnar ESB] að niðurstaðan væri sú að við færum af þessum lista. Samkvæmt þeim heimildum sem við höfum fengið í morgun þá hefur það verið gert,“ sagði Guðlaugur.
Íslenska ríkið dæmt brotlegt
Stórbruni í Kaupmannahöfn: Børsen í ljósum logum
Myndir: Stórbruni í Kaupmannahöfn
Með skerta aksturshæfni og undir slævandi áhrifum
Trump mætir fyrir dóm í fyrsta sakamálinu
Danir í áfalli yfir brunanum
„Sárt að horfa upp á þetta“