Smávægilegrar breytingar varð vart á óróamælingum við Fagradalsfjall skömmu fyrir klukkan 4.40 í morgun, en um leið fór að líða lengri tími á milli kvikustrókanna í megingígnum.

Fram að því höfðu um tíu mínútur jafnan liðið á milli kvikustróka en eftir breytinguna leið upp undir hálftími á milli.

Frá þessu greinir Veðurstofan í tísti. Segir þar að eftir slíkt hlé, klukkan 5.40 árdegis, hafi komið óvenju hár kvikustrókur sem virðist hafa farið upp fyrir 460 metra hæð yfir sjávarmáli.

Hæsti hluti gígsins er í 276 metra hæð yfir sjávarmáli og strókurinn hefur því náð að minnsta kosti tæpa 200 metra upp frá hæsta gígbarminum.

Eða eins og nemur rúmlega tveimur og hálfri Hallgrímskirkju.

Sjá eldgosið í beinni

Tengdar fréttir

Eldvirkni á Reykjanesskaga

Almannavarnir auka viðbúnað

• Mikilvægt að vera á tánum
• Ný staða uppi og óvissan meiri
• Gerir ráð fyrir 150 samningum í næstu viku
• Hyggjast leyfa fólki að skoða gosið

» Fleiri tengdar fréttir

• Blogga um frétt