Nú eru 139 í einangrun á Íslandi og því smitaðir af Covid-19 en voru 173 í gær. Alls greindust tvö kórónuveirusmit innanlands í gær og voru báðir í sóttkví. Smitin komu bæði upp á Vesturlandi þar sem þar eru nú þrír í einangrun en einn í gær.
Á höfuðborgarsvæðinu eru 94 í einangrun og 38 á Suðurlandi. Þrjú smit eru á Suðurnesjum og eitt á Norðurlandi eystra.
Ekkert smit greindist á landamærunum en alls voru tekin 348 sýni þar. Innanlands var 1.241 skimaður í gær.
Tvö börn á fyrsta ári eru með smit, 18 smit eru meðal barna á aldrinum 1-5 ára, 10 smit eru á meðal barna á aldrinum 6-12 ára og fjögur í aldurshópnum 13-17 ára.
Í aldurshópnum 18-29 ára eru 19 smit, 31 smit er í aldurshópnum 30-39 ára, 31 smit eru í aldurshópnum 40-49 ára, 16 smit eru í aldurshópnum 50-59 ára, 7 meðal fólks á sjötugsaldri og einn á áttræðisaldri er með Covid-19.
Fimm eru á sjúkrahúsi með Covid og er það sami fjöldi og síðustu daga.
Innanlands er 261 í sóttkví og 1.159 eru í skimunarsóttkví.