Í kjölfar annarrar #met­oo-bylgju hefur umræðan um kynfræðslu í skólum fengið byr undir báða vængi á ný. Kallað hefur verið eftir breytingum á núverandi fyrirkomulagi lengi, en sumir telja að fræðslan byrji of seint og sé ekki nógu yfirgripsmikil.

Í desember skipaði Lilja Alfreðsdóttir, mennta- og menningarmálaráðherra, starfshóp sem hefur það markmið að efla kynfræðslu í grunn- og framhaldsskólum, og er honum stýrt af Sólborgu Guðbrandsdóttur fyrirlesara.

Hópurinn á að greina með hvaða hætti unnt er að koma á markvissari kennslu um kynheilbrigði og kynhegðun og skila til ráðherra tillögu að framkvæmd kennslu í kynfræðslu og ofbeldisforvörnum.

Gert er ráð fyrir að hópurinn skili niðurstöðum sínum til Lilju í lok mánaðarins.

Frétt af mbl.is

Sólborg leiðir starfshóp um kynfræðslu

Mikilvægt að hlustað sé á nemendur

„Ég held að hún muni styrkjast,“ segir Lilja aðspurð í dag um þau áhrif sem hún telur niðurstöður hópsins hafa á kynfræðslu í skólum landsins.

„Við settum hópinn á laggirnar meðal annars til að mæta þeirri staðreynd að endurskoðunar er þörf á nálgun okkar á kynfræðslu.“

Nemendur hafi kallað eftir þeirri endurskoðun á fundum með ráðherra, og því sé mikilvægt að á þá sé hlustað.

„Svo fékk ég mjög góða áskorun frá starfshópnum um að það þyrfti að stíga fastar til jarðar hvað þetta varðar,“ segir Lilja.

Margir telji kynfræðslu hafa staðið í stað svo árum skiptir, og tími sé kominn til breytinga.

„Okkur finnst brýnt að vera í takt við tímann.“

Frétt af mbl.is

Konur deila á ný sögum af kynferðisofbeldi

Umræðan hvetur til góðra verka

Lilja segir vinnu starfshópsins miða vel, og að von sé á niðurstöðum á næstunni.

Þá hafi ný #met­oo-bylgja vitaskuld áhrif á þessi mál.

„Öll umræðan sem nú er í samfélaginu hvetur okkur til góðra verka og að tala um þessi mál á opinskáan hátt.“

Tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

• Blogga um frétt