Veruleg aukning hefur orðið í hraunrennsli við eldgosið í Fagradalsfjalli síðustu vikuna. Gosið er nú tvöfalt öflugra en það hefur verið lengst af. Þetta kemur fram í tilkynningu á vef Jarðvísindastofnunar Háskóla Íslands.

Meðalrennsli síðustu vikuna er 13 rúmmetrar á sekúndu sem er töluvert meira en þeir tæplega átta rúmmetrar á sekúndu sem áður hafa mælst. Þá segir í tilkynningunni að aukið flæði hafi haldist í hendur við hækkandi kvikustróka og öfluga framrás hraunsins í Meradölum. Merki um aukningu hafa þó verið undanfarnar tvær vikur en mælingin nú tekur af öll tvímæli. Rúmmál hraunsins er nú orðið rúmlega 30 milljónir rúmmetra og flatarmál þess tæplega 1,8 ferkílómetrar, segir í tilkynningunni.

Nánar má lesa um gosið á vefsíðu Jarðvísindastofnunar.

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ný tegund goss? Kannski að hluta til.