Vel gekk að koma konu sem slasaðist á öxl á gossvæðinu í gær til aðstoðar. 

Að sögn Davíðs Más Bjarnasonar, upplýsingafulltrúa Slysavarnarfélagsins Landsbjargar, hrasaði konan ofarlega á hrygg suður af virkasta gígnum og var hún frekar kvalin.

Frétt af mbl.is

Slysagildran vonandi úr sögunni

Eftir lagfæringar sem er búið að gera á gönguleiðinni að svæðinu síðustu daga er hún orðin ökufær fyrir viðbragðsaðila og voru þeir snöggir á vettvang, að sögn Davíðs Más. Sjúkraflutningamenn voru um borð í björgunarsveitarbíl sem ók á svæðið.

„Þetta var verkefni sem menn leystu mjög faglega á um klukkutíma,“ segir hann.

Ljósmynd/Ragnhildur Aðalsteinsdóttir

Áður hefur verið erfitt að komast að fólki sem hefur slasast. Bæði hefur þurft að ganga langa leið með börur og einnig hefur verið notast við sexhjól. „Það tók lengri tíma og var verra fyrir sjúklingana,“ bætir hann við. Einnig hefur þyrla Gæslunnar verið notuð í einhverjum tilfellum.

Davíð Már segir að eitthvað sé um slys nánast á hverjum degi á gossvæðinu, enda mikill mannfjöldi sem fer þangað. Tveir ökklabrotnuðu þar á laugardaginn.

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• Blogga um frétt