Það var í apríl árið 2015 að reiðarslag dundi yfir fjöl­skyld­u Sigurbjargar Söru Bergsdóttur þegar fyrr­ver­andi maður hennar og faðir barn­anna svipti sig lífi. Sig­ur­björg og börn­in henn­ar þrjú hafa farið í gegn­um langt og strangt ferli til að læra að lifa með sorg og söknuði.

Sex árum síðar hef­ur hún gert heim­ild­ar­mynd­ina Þögul tár um sjálfs­víg. Það er henn­ar leið til að leggja lóð á vog­ar­skál­arn­ar í bar­átt­unni en hún tel­ur nauðsyn­legt að opna á umræðuna um sjálfs­víg og ber hún þá von í brjósti að mynd­in hafi for­varn­ar­gildi.

„Hann var vandaður og góður maður; hafði verið af­reksmaður í íþrótt­um. Við skild­um árið 2013 í góðu og það var gott á milli okk­ar. Ég átti ekki von á þessu. Þetta var al­gjört áfall og nokkuð sem maður myndi aldrei trúa að maður myndi upp­lifa,“ seg­ir Sig­ur­björg en sam­an áttu þau tvö börn og fyr­ir átti hún dreng sem Hall­dór hafði gengið í föðurstað.

„Hall­dór átti sér enga sögu um þung­lyndi. Þetta gerðist áður en maður heyrði orðið brosþung­lyndi,“ seg­ir Sig­ur­björg sem ræðir við Ásdísi Ásgeirsdóttur, blaðamann Sunnudagsblaðsins, í Dagmálsþætti dagsins en jafnframt birtist umfjöllun Ásdísar í helgarútgáfu Morgunblaðsins.

Hér að ofan má sjá brot úr viðtal­inu en Dag­mál eru aðgengi­leg áskrif­end­um Morg­un­blaðsins hér. Einnig er hægt að kaupa vikupassa hér.

Tengdar fréttir

Dagmál

Vonbrigði fyrir Katrínu?

• Íslendingar ein mest einmana þjóð heims
• Ris Höllu Hrundar breytir myndinni
• Með fallbyssur í þjálfarateyminu
• Hef enga trú á því að þær verði í toppbaráttu

» Fleiri tengdar fréttir