Slökkvistarfi við Kúludalsá, nærri Hvalfjarðargöngunum þar sem sinueldur kviknaði í gærkvöldi, lauk að mestu um tvöleytið í nótt.

Frétt af mbl.is

Sinubruni við Kúludalsá

Að sögn Björns Bergmanns Þórhallssonar, aðstoðarslökkviliðsstjóra hjá slökkviliði Akraness og Hvalfjarðarsveitar, gekk vonum framan að slökkva eldinn við mjög erfiðar aðstæður. Svæðið var vaktað til klukkan sex í morgun.

Spurður út í tjónið segir Björn að eldurinn hafi kviknaði í beitilandi, móum og þúfum og svæðið hafi verið erfitt yfirferðar fyrir slökkviliðsmenn. Einnig kviknaði í einhverjum græðlingum.

Slökkviliðinu tókst að koma í veg fyrir að eldurinn bærist í gáma á svæðinu. Allt tiltækt lið slökkviliðsmanna tók þátt í að ráða niðurlögum eldsins, eða um 15 til 20 manns.

Upptök eldsins eru óljós en þurrt er á svæðinu og var eldurinn fljótur að breiðast út. 

Slökkviliðsmenn að störfum í gærkvöldi. Ljósmynd/Skjáskot

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• Hættustigi aflétt á sunnanverðu landinu
• 31 hektari brunnið við gosstöðvar

» Fleiri tengdar fréttir

• Blogga um frétt