Hjólreiðastígar fyrir 1,5 milljarð

Nú stendur til að Reykjavíkurborg leggji nýja göngu- og hjólastíga víða um borgina á næstu misserum, samkvæmt hjólreiðaáætlun og samgöngusáttmála ríkis og sveitarfélaganna á höfuðborgarsvæðinu. 

Áætlaður heildarkostnaður við stígagerðina er 1,5 milljarður króna en meðal annars er um að ræða sérstaka stíga fyrir hjólreiðar sem aðgreindir eru frá umferð gangandi og akandi. Framkvæmdir verða í ár en munu teygja sig yfir árið 2022. Við malbikun stíganna er svo notast við endurunnið malbik í samræmi við umhverfisstefnu borgarinnar, að því er segir í tilkynningu. 

Reykjavíkurborg setur árlega 500 milljónir í hjólastíga en í ár hefur þetta fjármagn verið aukið vegna „Græna plansins“, viðspyrnuáætlunar Reykjavíkurborgar vegna Covid-19 og einnig vegna samgöngusáttmála ríkis og sveitarfélaganna á höfuðborgarsvæðinu. 

Verkefni hjólreiðaáætlunarinnar eru meðal annars: 

• Snorrabraut– Hverfisgata- Sæbraut gatnamót við Borgartún 
• Borgartún– Snorrabraut að Katrínartúni 
• Sörlaskjól– Faxaskjól 
• Háaleitisbraut– Bústaðavegur að Fossvogsstíg 
• Álmgerði– Hæðargarður lokafrágangur 
• Elliðaárdalur– Rafveituheimili að Bíldshöfða 
• Þverársel– Stígur fyrir ofan ÍR 

Aðrir stígar eru: 

• Kjalarnesvið - Hringveg 1 fyrsti áfangi. 
• Elliðaárdalur - stígur í stað hitaveitustokks 
• Svarthöfði– tenging við Stórhöfða 
• Gufunes- tenging við Borgarveg 
• Gufunes- lokakafli strandstígs fyrir höfðann í Grafarvogi 
• Rauðavatnsstígur -lokakafli 

• 1 blogg um fréttina

Bloggað um fréttina

• Ómar Ragnarsson: Hraðhjólastíga vantar, hjólin fara 4-5 sinnum hraðar en gangandi.