Enn er hættustig almannavarna í gildi á höfuðborgarsvæðinu, á Vesturlandi, Vestfjörðum, Norðurlandi vestra og Austur-Skaftafellssýslu vegna gróðurelda. Óvissustig er á Suðurnesjum, Árnessýslu og Rangárvallasýslu. 

Í tilkynningu frá almannavörnum segir að enn sé nokkuð þurrt sums staðar á suðvesturhorninu þrátt fyrir hressilegar rigningar síðustu daga, eins og til dæmis í Heiðmörk, þar sem enn er næturfrost og hefur gróður því ekki tekið við sér. Jafnframt segir að bann sé í gildi við meðferð opins elds á þeim svæðum sem um ræðir. 

Spáð er áframhaldandi þurrki næstu daga ásamt talsverðum vindi eða allt að 15 metrum á sekúndu aðfararnótt fimmtudags. 

Hér má sjá hvar hættu- og óvissustig almannavarna vegna gróðurelda er í gildi. Kort/Almannavarnir

„Hættustig almannavarna er sett á ef heilsu og öryggi manna, umhverfis eða byggðar er ógnað af náttúru- eða mannavöldum þó ekki svo alvarlegar að um neyðarástand sé að ræða. Að lýsa yfir hættustigi er hluti af verkferlum í skipulagi almannavarna til að tryggja formleg samskipti og upplýsingagjöf á milli viðbragðsaðila og almennings,“ segir í tilkynningu almannavarna. 

Almenningur og sumarhúsaeigendur á hættu- og óvissusvæðum eru beðnir um að hafa eftirfarandi í huga:

• Ekki kveikja eld innan sem utandyra (kamínur, grill, varðeldar, flugeldar og fleira)
• Ekki nota einnota grill sem og venjuleg grill
• Kanna flóttaleiðir við sumarhús
• Huga að brunavörnum (slökkvitæki, reykskynjarar) og gera flóttaáætlun
• Ekki vinna með verkfæri sem hitna mikið eða valda neista
• Fjarlæga eldfim efni við hús (huga að staðsetningu gaskúta)
• Bleyta í gróðri kringum hús þar sem þurrt er

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• Hættustigi aflétt á sunnanverðu landinu
• 31 hektari brunnið við gosstöðvar

» Fleiri tengdar fréttir

• Blogga um frétt