Rannsaka IPTV streymisþjónustu

Lögreglan rannsakar nú mál varðandi dreifingu á höfundavörðu efni í gegnum IPTV streymisþjónustu. Samkvæmt heimildum mbl.is er um að ræða fyrirtækið Ljósvit. 

Samkvæmt upplýsingum frá miðlægri rannsóknardeild lögreglunnar er málið á lokametrunum í rannsókn og verður að öllum líkindum sent til ákærusviðs á næstu dögum.

Við rannsók málsins var gerð húsleit auk þess sem gögnum var aflað erlendis frá.

Frétt af mbl.is

Lögbann gegn ólöglegri efnisveitu staðfest

Þónokkrar IPTV streymisveitur eru taldar starfandi hér á landi. Árið 2019 var til að mynda sett lögbann á efnisveituna IPTV Iceland eftir að Sýn höfðaði mál gegn fyrirtækinu.

IPTV Iceland hafði þá með ólöglegum hætti selt almenningi aðgang að verulegum fjölda erlendra sjónvarpsrása auk mikils magns kvikmynda- og íþróttaefnis sem Sýn hafði sýningarrétt á hér á landi.

• Blogga um frétt