Sá ekki Kastljós en lofar auðlindaákvæði Katrínar
Setja bókamerki
Tengdar fréttir
Alþingi
Bjarni Benediktsson fjármálaráðherra telur það vera alvarlegt mál ef fyrirtæki telji sig í stöðu til að hlutast til um formannskjör í Blaðamannafélags Íslands eða öðrum slíkum vettvangi. Hann lýsti enn fremur yfir ánægju með auðlindaákvæði í stjórnskipunarfrumvarpi Katrínar Jakobsdóttur forsætisráðherra.
Þetta kom fram í svörum hans við spurningum Þorbjargar Sigríðar Gunnlaugsdóttur, þingmanni Viðreisnar í óundirbúnum fyrirspurnartíma á Alþingi í dag.
Vildi ekki tjá sig um ummæli Brynjars eða annarra
Hann segir Samherja hafa gengið mjög langt en aðspurður um ummæli Brynjars Níelssonar í Kastljósi í gærkvöldi og kvaðst hann ekki ætla að tjá sig um einstök ummæli annarra þingmanna flokksins. Hann hefði ekki horft á Kastljós í gær og væri ekki mættur á þing til að tjá sig um viðtalsþætti Ríkisútvarpsins.
Góð staða í sjávarútvegi þjóðarhagur
Varðandi stöðu sjávarútvegsins sagði Bjarni hann standa gífurlega vel og að það væri þjóðarhagur. Mikil verðmæti væru þar ósótt. Hann bendir á nýja skýrslu sjávarútvegsráðuneytis þar sem kom fram að virði framleiðslu sjávarútvegs gæti hækkað verulega.
Þá bendir hann að lokum á að stjórnarskrárfrumvarp Katrínar Jakobsdóttur hafi að geyma auðlindaákvæði sem standi tryggan vörð um þá réttarstöðu að enginn fái til varanlegrar eignar nýtingu á auðlindum þjóðarinnar. Hann sagði það ónauðsynlegt að kveða á um tímabundnar nýtingarheimildir ef þær væru afturkallanlegar.
Tengdar fréttir
Alþingi
„Hvílir mikil leynd yfir þessu öllu“
Veiting hvalveiðileyfis ekki brot á EES-samningi
„Umsátursástand“
Banna mengandi búnað sem leyfður er á Íslandi
Krefjast stöðvunar framkvæmda
Gígbarmurinn hækkað frá því í gær
Árshátíð ríkislögreglustjóra haldin í Tékklandi
Vélsleðaslys: Þyrlan kölluð út á mesta forgangi