Sigurður Ingi ræsti fyrsta Miðfellshlaupið

Sigurður Ingi Jóhannsson samgöngu- og sveitarstjórnarráðherra ræsti fimm kílómetra leiðina í Miðfellshlaupinu í gær. Þetta var fyrsta Miðfellshlaupið en það er hluti af átakinu „Heilsueflandi samfélag“ í Hrunamannahreppi. Skráningargjaldið rann óskipt til landbyggðadeildar Ljóssins.

Um hundrað manns tóku þátt og hlupu milli Flúða og Miðfells. Þátttakendur gátu valið milli 3, 5 eða 10 kílómetra hlaupaleiða.

Frétt af mbl.is

Það er áfall að greinast með krabbamein

„Við erum ótrúlega þakklát skipuleggjendum og öllum þeim sem hlupu og hjálpuðu okkur þannig að vekja athygli á nýstofnaðri Landsbyggðardeild Ljóssins. Deildinni er ætlað að styðja betur við þá sem greinast með krabbamein og búsettir eru á landsbyggðinni,“ segir Erna Magnúsdóttir, forstöðukona Ljóssins, í tilkynningu.

Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þess.

Ljósmynd/Aðsend

• Blogga um frétt