Ekki talið að njósnað hafi verið um Íslendinga
Oddur Þórðarson
Setja bókamerki
Ekkert bendir til þess að njósnað hafi verið um Íslendinga, í njósnum sem danska leyniþjónustan hafði milligöngu um í þágu Bandaríkjamanna. Málið er samt ennþá til skoðunar utanríkisráðuneytisins, eins og segir í svari ráðuneytisins við fyrirspurn mbl.is.
Guðlaugur Þór Þórðarson, utanríkis- og þróunarsamvinnuráðherra, ræddi við Trine Bramsen, varnarmálaráðherra Danmerkur, í síma nú síðdegis og kom hann á framfæri áhyggjum íslenskra stjórnvalda á þeim uppljóstrunum sem nýlega voru gerðar.
Danska ríkisútvarpið upplýsti nýlega um að bandarísk leyniþjónustustofnanir höfðu njósnað um hátt setta embættismenn í Noregi, Svíþjóð, Frakklandi og Þýskalandi. Þeirra á meðal var Angela Merkel Þýskalandskanslari.
Í svari utanríkisráðuneytisins segir jafnframt að starfsmenn ráðuneytisins hefðu rætt við fulltrúa bandaríska sendiráðsins hér á landi og voru þar áhyggjur íslenskra stjórnvalda vegna málsins áréttaðar og farið fram að upplýst yrði hvort málið varðaði íslenska hagsmuni.
Skar höfuðleðrið af íslenskri konu
Banna mengandi búnað sem leyfður er á Íslandi
Kostnaður meiri en milljón á fermetra
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar
Æskuvinur Íslendings myrtur í Noregi
Telur forsendur fyrir vaxtalækkun
Handteknir eftir myndatöku í Vesturbæjarlaug