Taka við stafrænu evrópsku Covid-19 vottorði
Setja bókamerki
Heilbrigðisráðuneytið hóf í gær tilraunaverkefni um móttöku stafræns evrópsks Covid-19 vottorðs á landamærum Íslands fyrir þá sem koma til landsins.
Vottorðið er í samræmi við reglugerð Evrópusambandsins (ESB) sem samkomulag náðist nýlega um og verður tekin upp í EES-samninginn með fyrirhugaðri gildistöku 1. júlí. Þetta kemur fram á vef Stjórnarráðsins.
Þar segir, „markmiðið er að auka frjálsa för fólks milli ríkja og auka öryggi einstaklinga meðan á Covid-19 faraldrinum stendur.“
Gildir í öllum ríkjum ESB og EFTA
Stafræna vottorðið mun innihalda upplýsingar um bólusetningar gegn Covid-19, niðurstöður um PCR-vottorð, hafi það verið neikvætt, og bata, hafi viðkomandi sýkst. Vottorðið mun gilda í öllum ríkjum ESB auk Íslands, Noregs, Liechtenstein og Sviss.
Hægt verður að nálgast vottorðið gjaldfrjálst á pappír sem og stafrænu formi með því að hlaða því niður í farsíma.
Á næstu dögum verða neikvæð PCR-vottorð sem gefin eru út hér landi í þessu nýja formi. Í kjölfarið verða bólusetningarvottorð og vottorð um bata einnig færð yfir í þetta form.
/frimg/1/23/63/1236333.jpg)
Vona að Orkustofnun veiti ekki virkjunarleyfi
„Hvílir mikil leynd yfir þessu öllu“
Handteknir eftir myndatöku í Vesturbæjarlaug
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
Æskuvinur Íslendings myrtur í Noregi