Brynjar Níelsson, þingmaður Sjálfstæðisflokksins, segist kveðja stjórnmálinn sáttur en hann hafnaði í fimmta sæti prófkjörs flokksins í Reykjavík í gær. Hann ætlar ekki að þiggja sæti á listanum.
Að sögn Brynjars eru úrslitin talsverð vonbrigði fyrir hann. „En skilaboðin eru skýr. Ég get því kvatt stjórnmálin sáttur,“ segir Brynjar í samtali við mbl.is.
Hann segir niðurstöðuna ekki koma á óvart í ljósi þeirrar baráttu sem var um efsta sæti listans. Það hafi áhrif á niðurstöðu annarra og þeir útilokaðir. Guðlaugur Þór Þórðarson utanríkisráðherra og Áslaug Arna Sigurbjörnsdóttir dómsmálaráðherra öttu kappi um efsta sæti listans. Niðurstaðan varð sú að Guðlaugur hafnaði í fyrsta sæti og Áslaug Arna í öðru.
Brynjar segir að baráttan hafi verið eðlileg og ekkert að henni en þetta geti gerst hjá hinum sem berjist um næstu sæti, að færast neðar á listann en þeir stefndu að.
Það verður eðlilega og náttúrlega talsverð smölun við svona aðstæður og þá þarftu að ýta öðrum út. Það segir sig sjálft segir Brynjar.