Gróðureldar eru nú við jaðarinn á hraunflæðinu í Nátthaga á Reykjanesskaga og skyggir reykurinn á hraunfossinn frá sjónarhorni nýrrar vefmyndavélar mbl.is á svæðinu. 

Þrjár nýjar vefmyndavélar sýna nú beint frá gosinu á mbl.is, ein í Nátthaga, ein frá útsýnishólmanum sem nú er lokaður af vegna hrauns og ein yfir Meradali. 

Mistur yfir höfuðborginni

Mistur hefur verið yfir höfuðborgarsvæðinu í morgun sem kemur að öllum líkindum af gossvæðinu að sögn Salóme Jórunnar Bergþórsdóttur náttúruvársérfræðings á vakt.

Gosmengun hefur þó hvergi verið yfir heilsuverndarmörkum. „Svo byrjar að rigna núna á eftir og þá fellur eitthvað út. Svo breytist vindáttin og þá býst ég við að þetta fari,“ segir Salóme. 

Tengdar fréttir

Eldvirkni á Reykjanesskaga

Gígbarmurinn hækkað frá því í gær

• Helmingur umsókna samþykktur fyrir vikulok
• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu

» Fleiri tengdar fréttir

• Blogga um frétt