Hvað gæti heppnasti Íslendingurinn keypt sér?

Lottóvinningurinn sem íslenskur karlmaður vann í Víkingalottó í gær er sá stærsti í sögunni, um 1,2 milljarðar króna. mbl.is tók saman nokkra hluti sem hægt er að gera við þennan stærsta skattfrjálsa vinning Íslandssögunnar. 

Frétt af mbl.is

Fór í göngutúr eftir að hann vann 1,2 milljarða

Meðal þess sem hægt er að kaupa, fá leigt eða reka fyrir peninginn eru margar lúxusíbúðir, tugir lúxusjeppa, ríkisstofnanir (oft í áratugi jafnvel) og heilu tónlistarhúsin. Svo verður auðvitað að nefna að hann þarf ekki að skrimta fyrir næstu lottóvinningum, enda er hægt að kaupa rétt rúmlega milljón miða í Víkingalottó fyrir vinninginn, einn á viku í 21 þúsund ár.

Vinningshafinn gæti valið sér eitt af eftirfarandi:

Matur og drykkur

• 2,4 milljón pylsur með öllu á Bæjarins bestu
• 548 þúsund Tilboð aldarinnar á Hamborgarabúllu Tómasar
• 3 þúsund flöskur af Louis XIII Remy Martin koníaki í ÁTVR (dýrasta vara á vinbudin.is)
• 6 milljón dósir af Harboe Pilsner (ódýrasti bjórinn á vinbudin.is)
• 413 tonn af sælgæti í Nammibar Hagkaupa – 826 tonn um helgar auðvitað
• 6,7 milljón lítra af léttmjólk

Hvernig hljóma 2,4 milljónir með öllu? Þekkjum við ekki öll einhvern sem gæti torgað því? mbl.is/Sigurður Unnar

Húsnæði og og fararskjótar

• 40 glænýja Mercedes Benz G-Class frá bílaumboðinu Öskju
• 30 þúsund flugferðir með Icelandair til Kaupmannahafnar, aðra leið 
• Þrjá Bugatti Veyron, einn dýrasti fjöldaframleiddi bíll í heimi
• Fimm 177 fermetra lúxusíbúðir við Geirsgötu í Reykjavík
• 495 glænýja Toyota Aygo hjá Toytota-umboðinu
• 25 þriggja herbergja íbúðir í Grafarvogi
• Strá fyrir Braggann á Nauthólsvegi í Reykjavík, 1.500 sinnum

Hver hefði ekki gott af 40 Mercedes Benz G-class?

Heimili og afþreying

• Útvarpsgjald Ríkisútvarpsins í 65 þúsund ár
• Áskrift að Morgunblaðinu í 12 þúsund ár
• Risapakki Stöðvar 2 í 5 þúsund ár
• 5.454 Iphone Pro Max
• 1.200 Egg úr Epal
• 13 þúsund Kitchen Aid hærivélar
• 2.220 85" Samsung QLED sjónvörp
• 15 þúsund Playstation 5 leikjatölvur

Sá heppni gæti keypt sér 15 þúsund Playstation 5 leikjatölvur. Spurningin er bara hvort hægt sé að kaupa sig fram fyrir í röðina.

Fjárlög hins opinbera

Hinn heppni gæti heldur betur lagt ríkinu lið og hlaupið undir bagga með ýmsan kostnað. Meðal þess sem hann getur staðið straum af:

• Kostnaður við rekstur hinnar alræmdu Verðlagsstofu skiptaverðs í 24 ár
• Kostnaður við rekstur Landsréttar í rúmt eitt og hálft ár
• Kostnaður við að reka lögregluembættið á Norðurlandi eystra í eitt ár
• Kostnaður við að reka Hörpu tónlistar- og ráðstefnuhús í eitt ár (og hann ætti 200 milljónir eftir)

Hægt væri að reka Hörpu í eitt ár og samt eiga 200 milljónir eftir. mbl.is/Árni Sæberg

• Blogga um frétt