Mannréttindadómstóll Evrópu hefur formlega fellt mál Magnúsar Guðmundssonar, fyrrverandi bankastjóri Kaupþings í Lúxemborg, gegn íslenska ríkinu niður og viðurkenndi með því sátt ríkisins við Magnús. Sektin stendur ennþá í 12 þúsund evrum.
Mbl.is greindi fyrst frá sáttinni í febrúar en í gær lauk málinu endanlega með ákvörðun mannréttindadómstólsins, líkt og Fréttablaðið greindi frá í morgun. Íslenska ríkið viðurkenndi með sáttinni að brotið hafi verið gegn 1. mgr. 6. gr. Mannréttindasáttmála Evrópu um réttinn til réttlátrar málsmeðferðar í markaðsmisnotkunarmáli Kaupþings. Í sáttinni fólst einnig viðurkenning á rétti Magnúsar til að óska eftir endurupptöku málsins.
Í samtali við mbl.is segir Kristín Edwald, verjandi Magnúsar, að engar ákvarðanir hafi verið teknar um hvort þau fari fram á endurupptöku málsins.