Hálendisþjóðgarði formlega vísað til ríkisstjórnar
Setja bókamerki
Tengdar fréttir
Alþingi
Frumvarpi Guðmundar Inga Guðbrandssonar, umhverfis- og auðlindaráðherra, um stofnun Hálendisþjóðgarðs var formlega vísað frá Alþingi fyrr í kvöld og til ríkisstjórnar. Ljóst er að frumvarpið verður ekki að lögum á þessu kjörtímabili.
Legið hefur fyrir í nokkurn tíma að ekki ríkti sátt um frumvarpið meðal stjórnarliða og gerði þingflokkur Framsóknar til að mynda ítarlega fyrirvara við málið þegar fyrir því var mælt á þingi. Frumvarpið varð síðan þinglokasamningum að bráð og verður ekki að lögum í kvöld.
Fjölmargar umsagnir bárust um málið, bæði jákvæðar og neikvæðar en samhljómur var á meðal flestra sveitarfélaga og samtaka bænda að málið væri ekki tækt eins og það væri lagt fram. Samráðsferlið við tillögurnar hefur einnig verið gagnrýnt harkalega.
Í kvöld fara fram síðustu þingfundir þessa kjörtímabils og þar með síðustu þingfundir fjölmargra þingmanna sem ýmist gáfu ekki kost á sér til áframhaldandi þingsetu eða í sumum tilvikum náðu ekki settum markmiðum sínum í forvölum flokka.
Meðal þeirra sem nú situr sína síðustu fundi er Steingrímur J. Sigfússon, forseti Alþingis, fyrrum ráðherra og formaður Vinstri grænna til margra ára.
Tengdar fréttir
Alþingi
Krefjast stöðvunar framkvæmda
Sex hafa greinst með listeríu
Árshátíð ríkislögreglustjóra haldin í Tékklandi
„Hvílir mikil leynd yfir þessu öllu“
Æskuvinur Íslendings myrtur í Noregi
Kostnaður meiri en milljón á fermetra