Ný gönguleið vestan Fagradalsfjalls

Glóandi hraun flæðir yfir sífellt stærra svæði í Geldingadölum og …
Glóandi hraun flæðir yfir sífellt stærra svæði í Geldingadölum og nágrenni og lokar gönguleiðum og bestu útsýnisstöðunum. mbl.is/Kristinn Magnússon

Hönnuð hefur verið ný gönguleið að gosstöðvunum í Geldingadölum. Hún liggur nálægt leiðinni sem stundum hefur verið notuð og kölluð er gönguleið B.

Fannar Jónasson, bæjarstjóri í Grindavík, tekur fram að eftir sé að kostnaðargreina framkvæmdina, kynna hana og leita fjármögnunar.

Ef Geldingadalir fyllast getur hraun flætt eftir gönguleið A og vestur í Nátthagakrika. Erfitt er að spá hvenær það getur gerst, hvort það verður eftir vikur eða mánuði, en ljóst er að núverandi aðalleið getur orðið hættuleg gangandi fólki og jafnvel lokast. Fannar telur þessvegna nauðsynlegt að útbúa nýja leið í tíma.

Fannar segir að ekki þyki skynsamlegt að leggja í kostnaðarsamar breytingar á gönguleið sem svo gæti farið að spillast eftir örfáa mánuði. Niðurstaðan hafi verið að leggja til nýja gönguleið, nálægt gönguleið B. Hún liggur vestur fyrir Fagradalsfjall og inn á útsýnisstað norðan eða norðvestan við gosstöðvarnar.

Fannar segir nauðsynlegt að gera göngustíg þarna til að draga úr hættu á slysum. Tekur hann fram að þessi leið sé heldur lengri og erfiðari en leið A, undirlagið sé ekki eins slétt, en með lagfæringum, svipuðum og gerðar voru á núverandi leið, mætti gera hana ágætlega greiðfæra.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »