Réttarhöld yfir Aung San Suu Kyi hafin
Setja bókamerki
Réttarhöld yfir Aung San Suu Kyi eru hafin, fjórum mánuðum eftir að leiðtoganum var steypt af stóli í valdaráni mjanmarska hersins. San Suu Kyi var ákærð fyrir að hafa átt talstöðvar án tilskilins leyfis og fyrir að hafa brotið takmarkanir vegna Covid-19.
Seinni réttarhöld munu einblína á ásakanir um spillingu og brot á þagnarskyldu.
Mannréttindahópar hafa fordæmt réttarhöldin og sagt að um sé að ræða tilraunir til að koma í veg fyrir að San Suu Kyi geti boðið sig fram í framtíðarkosningum í Mjanmar. San Suu Kyi, 75 ára, hefur verið í stofufangelsi síðan frá valdaráni hersins 1. febrúar. Lítið hefur spurst til hennar síðan fyrir utan þau skipti sem hún hefur komið fyrir dómara.
Önnur réttarhöld hefjast yfir nóbelsverðlaunahafanum á morgun, 15. júní, vegna ásakana um uppreisnaráróður. Verði hún sakfelld á hún yfir höfði sér allt að 14 ára fangelsi í því máli. Í síðustu viku voru kynntar frekari ákærur vegna spillingar, en hún er sökuð um að hafa þegið 11 kílógrömm af gulli og 600 þúsund dollara [73 milljónir króna] greiðslu í andstöðu við lög.
„Hvílir mikil leynd yfir þessu öllu“
Eyjafjarðarbraut lokað vegna alvarlegs umferðarslyss
„Umsátursástand“
Skemmtiferðaskip hætt komið nærri Viðey
Telur forsendur fyrir vaxtalækkun
Handteknir eftir myndatöku í Vesturbæjarlaug
„Það þarf að vinna mikinn fjölda upp“
Veiting hvalveiðileyfis ekki brot á EES-samningi