Ekkert smit kórónuveirunnar greindist innanlands í gær. Tveir greindust með mótefni á landamærunum og tveir bíða eftir niðurstöðu úr mótefnamælingu samkvæmt uppfærðum tölum á covid.is.
Alls eru nú 30 í einangrun, 57 í sóttkví og 1.571 í skimunarsóttkví. Áfram er einn á sjúkrahúsi. Flestir þeirra sem eru í einangrun eru á aldrinum 18-29 ára eða alls 10. Næstflestir eru á aldrinum 30-39 ára eða 7.