Góð þátttaka var í prófkjöri Framsóknarflokksins í Suðurkjördæmi sem fór fram í gær. Alls greiddu rúmlega 1.100 einstaklingar atkvæði og lætur því nærri að kjörsókn sé 35%.
Þetta kemur fram á fréttavefnum Sunnlenska.
Talning hófst klukkan níu í morgun og verða úrslit kynnt klukkan 17 síðdegis á Hótel Selfossi.
Tveir sitjandi þingmenn gefa kost á sér í prófkjörinu.
Mynd/Framsókn
Í framboði eru:
- Sigurður Ingi Jóhannsson, Hrunamannahreppi – sækist eftir 1. sæti
- Jóhann Friðrik Friðriksson, Reykjanesbæ – sækist eftir 2. sæti
- Silja Dögg Gunnarsdóttir, Reykjanesbæ – sækist eftir 2. sæti
- Daði Geir Samúelsson, Hrunamannahreppi – sækist eftir 2.- 4. sæti
- Hafdís Hrönn Hafsteinsdóttir, Árborg – sækist eftir 3. sæti
- Halldóra Fríða Þorvaldsdóttir, Reykjanesbæ – sækist eftir 3.- 4. sæti
- Njáll Ragnarsson, Vestmannaeyjum – sækist eftir 3.- 4. sæti
- Ragnhildur Hrund Jónsdóttir, Vík í Mýrdal – sækist eftir 3.- 5. sæti