„Við erum mjög stolt af því að hafa náð að framkvæma prófkjör í öllum kjördæmum þannig að yfir tuttugu þúsund manns hafa tekið þátt,“ segir Bjarni Benediktsson, formaður Sjálfstæðisflokksins og fjármálaráðherra í samtali við mbl.is. 

Fram kemur á Facebook-síðu flokksins að samanlögð kjörsókn í prófkjörum Sjálfstæðisflokksins hafi verið 20.771 atkvæði. Jafngildir það 10,3% allra þeirra sem tóku þátt í alþingiskosningum árið 2017. 

„Í öllum aðalatriðum hefur þetta tekist vel og ég finn fyrir mikilli spennu að komast út í baráttuna,“ segir Bjarni. 

Frétt af mbl.is

Árangur kvenna áberandi

Spurður út í áberandi árangur kvenna í prófkjörum Sjálfstæðisflokksins segir Bjarni það hafa aukist að fólk horfi til fjölbreytni.

„Að framkvæma prófkjör er ákveðin óvissuferð. Maður hefur orðið var við það að þátttakendur í prófkjörunum virðist í auknum mæli horfa til þess við samsetningu á listum að það sé fjölbreytni á listunum, þar með talið kynjajafnvægi. Mér sýnist að þær áherslur hafi náð í gegn hjá okkur,“ segir Bjarni.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: 20.771 flokksmenn tóku þátt Lýðræðisveislu Sjálfstæðisflokksins