„Við héldum að þetta væri í samræmi við lögin“

Ríkisskattstjóri segir að heildarhluthafalisti félaga á vef embættisins verði tekinn út eins fljótt og unnt er. Persónuvernd ákvarðaði sl. föstudag að birting hluthafalista á opnu vefsvæði Skattsins væri ólögmæt.

Frétt af mbl.is

Birting á vef Skattsins ólögmæt

„Við héldum auðvitað að þetta væri í samræmi við lögin. Nú þegar Persónuvernd er búin að gefa sitt álit þá munum við að sjálfsögðu fara eftir því. Þannig að ég á ekki von á öðru en að við munum fara í það að taka þetta út. Persónuvernd gaf mánuð í það að klára það verkefni. Ég held að það sé bara fínt. Ef niðurstaðan er sú að þetta sé ekki í samræmi við lagaheimildir þá er auðvitað eðlilegt að laga það eins fljótt og hægt er,“ segir Snorri Olsen ríkisskattstjóri í Morgunblaðinu í dag.

Ákveðið var að birta heildarhluthafalista félaga vegna breytingar á lögum um birtingu ársreikninga á opinberu vefsvæði. Ríkisskattstjóri óskaði eftir áliti Persónuverndar í febrúar til þess að ganga úr skugga um að nægilega sterkur lagagrundvöllur væri fyrir birtingu listans. Edda Símonardóttir, sviðstjóri hjá Skattinum, segir það vera atvinnuvega- og nýsköpunarráðuneytið sem þurfi að taka ákvörðun um það hvort eigi að breyta lögum til þess