Heilsugæslan hefur tekið í notkun hraðpróf til greiningar á kórónuveirunni. Hraðprófin eru ekki notuð við einkennasýnatöku, heldur eru þau eingöngu ætluð þeim sem þurfa á þeim að halda, t.d. vegna ferðalaga, þar sem krafist er neikvæðrar niðurstöðu úr sýnatöku á landamærum og niðurstaða úr hraðprófi er tekin gild.

Frétt af mbl.is

Hraðpróf lækki kostnað

Gjald fyrir sýnatöku með hraðprófi er 4.000 krónur, hvort sem hlutaðeigandi einstaklingur er sjúkratryggður hér á landi eða ekki. Þetta kemur fram á vef Stjórnarráðsins. Hér á landi hafa fram að þessu eingöngu verið notuð PCR-próf til að greina kórónuveiru í fólki og á landamærum Íslands eru aðeins teknar gildar niðurstöður úr PCR-prófum.

Heilsugæslan býður einnig upp á töku PCR-prófa úr einkennalausum einstaklingum þurfi þeir á því að halda og er gjald fyrir sýnatökuna 7.000 krónur, jafnt fyrir sjúkratryggða sem ósjúkratryggða.

Tekur klukkustund að fá niðurstöðu

Í tilkynningunni kemur fram að mörg lönd taki gildar niðurstöður hraðprófa á landamærum. Því má gera ráð fyrir því að töluverð eftirspurn sé eftir hraðprófum hjá erlendum ferðamönnum og Íslendingum sem hyggja á ferðalög út fyrir landsteinana. Niðurstaða úr hraðprófi liggur fyrir á um klukkustund en það getur tekið allt að sólarhring að fá niðurstöðu úr PCR-prófi.

Hraðpróf veita ekki jafnöruggar niðurstöður og PCR-próf og gildir sú regla hér á landi að ef einstaklingur greinist með kórónuveiruna í hraðprófi þarf hann jafnframt að undirgangast PCR-próf.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt