Sárin tekin að gróa, hálfu ári eftir hamfarir

Sárin eru tekin að gróa á Seyðisfirði.
Sárin eru tekin að gróa á Seyðisfirði. mbl.is/Eggert Jóhannesson

Rétt um hálft ár er liðið frá því þrjár aurskriður féllu úr hlíðum Seyðisfjarðar og bærinn var rýmdur í heild sinni skömmu fyrir jól. Úrkoman sem féll á bæinn á tíu dögum samsvaraði úrkomu heils árs í Reykjavík.

Altjón varð á mörgum húsum; heimilum, atvinnuhúsnæði og stofnunum. Veturinn var langur að sögn bæjarbúa sem blaðamaður ræddi við í gær en samhljómur er meðal þeirra um að tekið sé að létta yfir.

Hreinsunarstarf er langt komið í bænum og eflaust leikur það stórt hlutverk í þeirri tilfinningu bæjarbúa að tími sé kominn til að horfa fram á veginn. Sárin í hlíðinni eru tekin að gróa, þó þau beri enn vitni um þá krafta sem voru að verki.

Enn er mikil vinna eftir. Nýtt hættumat gerir það að verkum að ekki er hægt að búa í nokkrum húsum utarlega í firðinum, sem þó eru heil. Sum þeirra verða flutt inn í bæinn, að  því er fram kemur í umfjöllun um mál þetta í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »