Íbúi höfuðborgarsvæðisins sló tvær flugur í einu höggi og sótti tíu milljón króna lottóvinning í höfuðstöðvar Íslenskrar getspár á leið sinni í Covid-19-sprautu í Laugardalshöll.
Maðurinn hafði keypt lottómiða hjá Olís í Borgarnesi þegar hann átti leið þar um og fékk allar tölur réttar um síðustu helgi.
Aðspurður sagði sá heppni að vinningurinn kæmi sér einstaklega vel þar sem hann stæði í framkvæmdum þessa dagana.