Undirskriftum er nú safnað til stuðnings Ingólfi Þórarinssyni, Ingó Veðurguð, og þjóðhátíðarnefnd hvött til þess að endurskoða þá ákvörðun sína að afbóka Ingó í ár.

Ingó átti, eins og fyrri ár, að stýra brekkusöng á Þjóðhátíð í Vestmannaeyjum um verslunarmannahelgina, en eftir að ásakanir um kynferðisofbeldi á hendur honum litu dagsins ljós var sú ákvörðun dregin til baka.

Frétt af mbl.is

Ósáttur við ákvörðun þjóðhátíðarnefndar

Frétt af mbl.is

Ingó mun ekki stýra brekkusöngnum

Tryggvi Már Sæmundsson, fyrrverandi framkvæmdastjóri ÍBV, hóf undirskriftasöfnunina og hafa alls 32 skrifað undir, það sem af er degi, en þegar þetta er skrifað er ein klukkustund síðan söfnunin hófst.

„Ótækt að dómstóll götunnar stjórni“

Í pistli um málið á Eyjar.net, segir Tryggvi að ótækt sé að „dómstóll götunnar“ stjórni því hverjir séu fengnir til þess að koma fram á viðburðum.

„Engin meint fórnarlömb hafa stigið fram. Meira að segja öfgahópurinn segist ekki hafa nafngreint neinn. Hvorki meinta þolendur né meintan geranda.

Kjarni málsins er þessi: Það er ótækt með öllu að dómstóll götunnar stjórni því hverjir komi fram á viðburðum á Íslandi. Engin kæra liggur fyrir og því er engin rannsókn í gangi af hálfu lögreglunnar.

Því er það mikilvægt að landsmenn aðstoði þjóðhátíðarnefnd ÍBV að endurskoða þá ákvörðun að afbóka Ingó á Þjóðhátíð,“ segir Tryggvi.

Tengdar fréttir

Ingó Veðurguð

Ingó sendir konu kröfubréf

• Ingó veðurguð spilar á Goslokahátíð
• Ingó áfrýjar málinu gegn Sindra
• Ekkert sem komi á óvart
• Telur ekki rétt að málið sé byggt á kjaftasögum

» Fleiri tengdar fréttir

• 2 blogg um fréttina

Bloggað um fréttina

• Helga Dögg Sverrisdóttir: Hjartanlega sammála,
• Örn Gunnlaugsson: Fjársöfnun fyrir málarekstur.