Slökkvilið höfuðborgarsvæðisins hafði í nógu að snúast síðastliðinn sólarhring.
Slökkviliðið sinnti 134 sjúkraflutningum, þar af voru 24 forgangsflutningar. Mikil aukning hefur verið í flutningum vegna Covid-19, við lítinn fögnuð slökkviliðsmanna, en slíkir flutningar voru 25 síðastliðinn sólarhring.
Þá sinnti slökkvilið sex útköllum á dælubílum, m.a. vegna elds í bifreið, vatnsleka og til að bjarga ketti úr tré svo nágrannar fengju svefnfrið.