Jarðfræðingar fóru í rannsóknarleiðangur til Surtseyjar 15. – 18. júlí. Þeir hafa farið í eyna annað hvert ár. Nú unnu þeir að landmælingum og loftmyndatöku, mældu hitaútstreymi, tóku sýni og undirbjuggu sýnatöku vegna langtímarannsókna á borholum.

Einnig var gerð ný rannsókn á stórum og smáum fótsporum sem hafa varðveist í móberginu. Steingervingafræðingur mun rannsaka sporin. Náttúrufræðistofnun (ni.is) greindi frá leiðangrinum.

Loftmyndirnar verða notaðar til að útbúa nýtt þrívíddarlíkan af eynni. Þannig verður hægt að sjá breytingar sem orðið hafa vegna sjávarrofs og setflutninga. Greinileg ummerki voru um rof, sérstaklega við hlíðar Austurbunkans þar sem gil höfðu víkkað talsvert í vatnsveðrum.

Lovísa Guðrún Ásbjörnsdóttir jarðfræðingur leiðangursstjóri segir í Morgunblaðinu í dag að lausagjóska sem enn er til staðar sé öll að hverfa vegna vatns- og vindrofs. Móbergið situr þá eftir. Svo er stöðugt sjávarrof við ströndina.

Tengdar fréttir

Surtsey

Surtseyjarmálinu lokið með sekt

• Surtseyjarsjómaðurinn fæst ekki í skýrslutöku
• „Mamma heimtar að ég fari í ADHD-greiningu“
• Formleg kæra komin á borð lögreglunnar
• Surtseyjarmál komið til lögreglu

» Fleiri tengdar fréttir