Útlit er fyrir ágætisveður um allt land um verslunarmannahelgina, hægan vind, víða bjartviðri og að mestu þurrt, samkvæmt upplýsingum frá Birgi Erni Höskuldsson veðurfræðingi á Veðurstofu Íslands.

„Í dag verður frekar bjart og léttskýjað víða um landið og helst þá við suðurströndina. Þá gæti hiti náð upp í 25°C á Suðurlandi en einhverjar 8-14°C fyrir norðan. 

Á laugardaginn verður skýjað með köflum á Suður- og Vesturlandi og einhverjir smáskúrir fyrir sunnan. Léttskýjað verður fyrir norðan, á Vestfjörðum og á Austurlandi og þá kannski besta veðrið þar. Hitinn á öllu landinu verður þá um 10-18°C, hlýjast í innsveitum fyrir norðan og á Vestfjörðum. Lítils háttar væta verður á Suður- og Vesturlandi. 

Á sunnudag verður besta veðrið á Norðurlandi og á Vestfjörðum en búast má við síðdegisskúrum á sunnanverðu landinu,“ segir Birgir í samtali við mbl.is.

Tengdar fréttir

Verslunarmannahelgin

Sjáðu myndirnar frá hátíðum helgarinnar

• Búið að fjarlægja rútuna
• Rólegheit og þolinmæði gott veganesti í dag
• Þrjár líkamsárásir í Eyjum gær
• Hélt bolta á lofti í tæpan hálftíma

» Fleiri tengdar fréttir

• Blogga um frétt