Yfirgaf sóttvarnahús undir áhrifum áfengis

Skömmu fyrir klukkan 22:50 í gærkvöldi handtók lögregla ofurölvi mann við Hlemm í Austurbæ. Maðurinn átti að vera í sóttvarnahúsi sem hann hafði yfirgefið og fór ekki að fyrirmælum lögreglu. Fram kemur í dagbók lögreglu að maðurinn hafi verið vistaður sökum ástands í fangageymslu. 

Skömmu eftir klukkan 2:40 í nótt voru höfð afskipti af konu í verslun, en konan er grunuð um vörslu fíkniefna og var stödd í versluninni ásamt kærasta sínum sem var staðinn að þjófnaði á kerti. Mál beggja voru afgreidd með vettvangsskýrslum. 

Þá var töluverður fjöldi ökumanna stöðvaður vegna gruns um akstur undir áhrifum ýmist áfengis eða fíkniefna eða ökuréttindaleysi. Einn var stöðvaður fyrir hraðakstur. 

• Blogga um frétt