Birgitta gengin til liðs við Sósíalistaflokkinn
Setja bókamerki
Birgitta Jónsdóttir, fyrrverandi þingmaður og formaður Pírata og fyrrverandi þingmaður Hreyfingarinnar, er gengin til liðs við Sósíalistaflokkinn. Þetta tilkynnir hún á facebooksíðu sinni.
Hún segir þó við mbl.is að hún ætli sér ekki endilega í framboð, kannski verði hún einhvers staðar á lista en þó ekki í baráttusæti.
„Mér hefur verið boðið að þiggja oddvitasæti í einhverjum upprennandi flokkum en ég hef ekki áhuga á slíku. Mér finnst bara gaman að taka þátt í grasrót flokks, það er hollt fyrir mann,“ segir Birgitta í samtali við mbl.is.
Fyrrverandi flokksbróðir Birgittu, Þór Saari, skipar annað sæti á lista Sósíalistaflokksins í Suðvesturkjördæmi. Slembival var notað við val í kjörnefnd, sem síðan annaðist val á lista flokksins í kjördæminu og er María Pétursdóttir, myndlistarmaður, öryrki og aðgerðasinni, oddviti listans.
/frimg/1/28/96/1289658.jpg)
29 nautgripir fundust dauðir
Hyggjast leyfa fólki að skoða gosið
Ný staða uppi og óvissan meiri
Gerir ráð fyrir 150 samningum í næstu viku
Unnu að fullum heillindum að kaupum á TM
Hægagangur og vaxandi ókyrrð