Slökkviliðið á höfuðborgarsvæðinu sinnti 159 verkefnum á sjúkrabílum síðastliðinn sólarhring.
Þetta kemur fram í facebookfærslu slökkviliðsins.
Af verkefnunum á sjúkrabíl voru 32 forgangsflutningar og 41 verkefni tengdist Covid-19. Dælubílar voru ræstir tvisvar út síðastliðinn sólarhring, til að sinna vatnstjóni og vegna umferðarslyss í Hafnarfirði. Þar fór betur en á horfðist.